"Моң” студияһы бына инде 15 йыл дауамында йыр-моң һөйөүселрҙе яңынан-яңы концерттары, CD-DVD дискылар сығарыу менән ҡыуандырып тора. Әйткәндәй, уның хеҙмәте емештәрен республика халҡы ғына татымай, сит өлкәләргә лә өлөш сыға. Сөнки студия сығарған, етештергән ижади тауар әллә ҡайҙарға барып етә, концерттар менән дә.

Йырҙарҙы яҙҙырыу менән студияла Руслан Ниғмәтов, Ғәлинур Юламанов, Радик Юлъяҡшин шөғөлләнә.

"Моң” студияһы әлеге ваҡытта "гел йырлап тороусы” "Туған тел” телевизион каналының барлыҡҡа килеүендә лә ҡатнашты. Беренсенән, студияның генераль директоры Флүр Зөбәйеров күптән эшләп килгән телеканалдың ойоштороусыларының береһе булһа, икенсенән, студия менән телеканал бөгөнгө көндә халыҡ өсөн төрлө проекттар, шул иҫәптән, концерттар ойоштороу кеүек өлкәләрҙә тығыҙ хеҙмәттәшлек итә. Мәҫәлән, "Моңдаръя”, "Йондоҙло футбол”, "Башҡорт йыры”, "Ҡышҡы бүләк”, "Кәйефле төн” һәм башҡалары.

28 ғинуарҙа йыр-моң һөйөүселәрҙе яңы бүләк көтә. Баш ҡаланың "Йәштәр һарайы”нда ("Аграр университеты” туҡталышы) сираттағы "Моңдаръя” концерты буласаҡ. Билеттар әленән һатыуға "сығарылған”. Ашығығыҙ, дуҫтар, өлгөрмәй ҡалмағыҙ. Кисә сәғәт 19:00-дә башланасаҡ.

Концертта ҡатнашалар:

Роберт Юлдашев, Ирек Ноғманов, Рөстәм Ғиззәтуллин, Фән Вәлиәхмәтов, Ризуан Хәкимов, Рөстәм Вәлиев, Илһам Шәрипов, Фәниә Фәрхи, Марат Шәйбәков, Ландыш Ниғмәтйәнова, Ринат рәхмәтуллин, Гүзәл Әхмәтова, Филүс Ҡағиров, Нурия йәрмөхәмәтова, Радмир Туйсин, радик Юлъяҡшин, Руслан Зөлҡәрнәев һәм башҡалар.

Кисәгә рәхим итегеҙ!

"Моң” студияһының продюсеры,

Данил Сөләймәнов.

www.shonkar.ru